السكتة الدماغية
الجلطة المخية
مرض مفاجئ صعب
بيصيب الوزير و الغفير
ممكن تبقي غني جداً بس حظك انك في الساحل في مراسي
و يجيلك المرض اللعين و متلحقش تتعالج في اول ٦ ساعات من الاصابة
نسب حدوث الوفيات فيه مع احدث اساليب العلاج حوالي ٣٠٪
كل ٤٠ ثانية فيه مواطن بيجيله جلطة
كل ٣ دقايق و ١٤ ثانية فيه مواطن بيموت بسبب جلطة في المخ
مفيش ولا محافظة في مصر (مغطاه بالكامل )
لاستقبال و علاج الجلطات المخية سواء بالقسطرة المخية او مذيبات الجلطة
لحد من سنة تقريباً
اللي حصل من سنة اننا بدأنا مشروع واعد و قوي في بورسعيد
كأول محافظة في مصر مغطاه بالكامل من اطباء و بنية تحتية و مستهلكات غالية جداً جداً
و تنسيق بين كل المعنيين لتقديم الخدمة دي
ده حلم
حلمته في ٢٠١٨
اتحقق بالفعل
كل واحد ساعد بامضاء او بتهيئة المناخ او بالعمل لتحقيق الحلم اجره كبير اوي عند ربنا
علي رأس المنظومة دي واحد عمل كل ما في وسعه و ضيع وقته و استخدم كل علاقاته عشان يساعد لبدأ خدمة معقدة و صعبة و غالية جداً
الشخص ده اسمه اد فاروق حسن ، مش محتاج نعرفه لانه عَلم
زمايلي و اخواتي الاكبر و الصغر اللي شايلين جدول ٧ ايام ٢٤ ساعة مجهودهم اكتر من ان يوصف
انا فخور اني جزء من الفريق
و فخور و سعيد جداً ان بشوف حلم كان بعيد عني اوي و لم اتخيل اني اعرف احققه بيحصل النهاردة
و مكمل بقاله تقريباً سنة كأول محافظة كاملة التغطية لعلاج الجلطة المخية
الحمد لله
نقطة علي الطريق
